Sxadadze: “İnter”dəki qeyri-müəyyənlik heç də yaxşı hal deyil”

“Cahangir Hacıyevin Beynəlxalq Bankdan ayrılması futbolçulara mənfi təsir etməyib”. Futbolxeber.az-ın məlumatına görə, bunu “İnter”in baş məşqçisi Kaxaber Sxadadze deyib.

Bununla belə, gürcü mütəxəssis hazırda komandada qeyri-müəyyənlik olduğunu gizlətməyib: “Komanda üzvləri əvvəl olduğu kimi yenə də tam gücləri ilə çalışırlar. Mövsümün sonuna kimi mən əlimdən gələni edəcəyəm və hər hansı bir problem yaşanmayacaq. Lakin onu da deyim ki, hazırda “İnter”dəki qeyri-müəyyənlik heç də yaxşı hal deyil. Problem ondadır ki, heç kim çıxıb, konkret bir söz demir”.