Elxan Məmmədov: “Neftçi”dəki şuranın mənə aidiyyatı yoxdur”

AFFA-nın baş katibi Elxan Məmmədov “Neftçi”dəki hazırkı idarəetmə sisteminin qeyri-rəsmi şəkildə AFFA rəhbərliyinin, konkret olaraq, onun nəzarətinə keçməsi haqda yayılan məlumatlara münasibət bildirib. Futbolxeber.az-ın məlumatına görə, Məmmədov Qol.az saytına açıqlamasında deyilənləri uydurma adlandırıb: "Təbii ki, bunlar doğru məluatlar deyil. Kimsə bunu özündən uydurub. "Neftçi"nin öz rəhbərliyi var. Hansı ki, o rəhbərlik bu klubda böyük uğurlar qazanıb. Etiraf etmək lazımdır ki, "Neftçi" son üç ildə böyük nəticələr qazanıb. İndi də "Neftçi" özü qərar verib ki, struktur dəyişikliyi etsin və Müşahidə Şurası yaratsın. Bu Şuranın AFFA-ya və konkret olaraq mənə heç bir aidiyyati yoxdur".