AFFA təsdiqlədi: “Bəli, “Bakı”nın legionerlərinin maaşının yalnız 50 faizi ödənilib”

AFFA “Bakı”nın legionerlərinin və baş məşqçi İbrahim Uzuncanın maaşının yalnız 50 faizinin ödənildiyinin təsdiqləyib. Assosiasiyanın İnformasiya və İctimaiyyətlə Əlaqələr Departamentinin baş mütəxəssisi Firuz Abdulla Futbolxeber.az saytına verdiyi açıqlamada məsələyə belə münasibət bildirib: “Bakı”nın futbolçularına maaşlar baş məşqçinin təqdim etdiyi siyahıya əsasən ödənilir. Bəli, “Bakı”nın legionerlərinin və baş məşqçinin maaşının yalnız 50 faizi ödənilib. Bu da səbəbsiz deyil. Belə ki, bank təzminatında müəyyən məbləğ göstərilib. Bu addım da həmin məbləğin mövsümün sonuna kimi çatmasına hesablanıb. Əgər, mövsüm başa çatdıqdan sonra artıq pul qalsa, o zaman əcnəbilərə həmin məbləğ ödəniləcək”.