Sxadadze “Qəbələ”nin qolundan sonra meydanı tərk etməsinə aydınlıq gətirdi

Dünən Premyer Liqanın 26-cı turu çərçivəsində keçirilən “İnter” - “Qəbələ” oyununun son anlarında maraqla hadisə yaşanıb. Belə ki, oyunun son dəqiqəsində rəqib ikinci qolu vurduqdan dərhal sonra “İnter”in baş məşqçisi Kaxaber Sxadadze matçın sonunu gözləmədən meydanı tərk edib. Oyunsonrası mətbuat konfransında Futbolxeber.az-ın əməkdaşı gürcü mütəxəssisə bununla bağlə sual verib. Sxadadze cavabında “Bunda qeyri-adi heç nə yoxdur. Onsuz da görüşün sonuna elə də çox vaxt qalmamışdı. Buna görə də meydanı tərk etdim” deyib.

Kaxaber Sxadadze hakimlər barədə danışmaq istəməyib: “Yaxşı olar ki, bu haqda Xaqani Məmmədov danışsın”.