Aleksey Qay: “Deməzdim ki, “Qəbələ”nin bütün problemləri həll olunub”

“Bu gün vacib qələbə qazandıq. Qələbəyə baxmayaraq, hələ də oyunumuzda müəyyən çatışmazlıqlar var”. Futbolxeber.az saytına verdiyi açıqlamada bu sözləri “Qəbələ”nin yarımmüdafiəçisi Aleksey Qay deyib.

Premyer Liqada ardıcıl 4 oyunda qələbə qazanmalarına baxmayaraq, Qay hesab edir ki, “Qəbələ” “qara zolaq”dan hələ də tam qurtula bilməyib: “Bugünki qələbə də avrokuboklara getmək istəyimizi göstərir. Mən turnir cədvəlinə, rəqiblərlə xal fərqimizə baxmıram. Komandamız hər oyuna maksimum nəticə üçün çıxır. Ardıcıl qələbələrə baxmayaraq, deməzdim ki, “Qəbələ”nin bütün problemləri həll olunub. Futbolda nəyisə əvvəldən demək çətindir”.