Sxadadze: “Çempionluq yox, hazırki mövqeyimizi qorumaq barədə düşünürük”

“İnter”in baş məşqçisi Kaxaber Sxadadze Premyer Liqanın 26-cı turu çərçivəsində “Qəbələ”yə 1:2 hesabı ilə uduzduqları oyunu şərh edib. Futbolxeber.az-ın məlumatına görə, gürcü mütəxəssis yenilgidən sonra çempionluq barədə düşünmədiklərini bildirib: “Qələbə münasibəti ilə “Qəbələ”ni, Novruz bayramı münasibəti ilə isə hər kəsi təbrik edirəm. Düşünürəm ki, çox maraqlı, dinamik bir oyun alındı. Şansı gətirən komanda qalib gəldi. Rəqib bizdən daha istəkli idi. Sanki ilk hissədə komandamda motivasiya çatışmırdı. Bunun kubokda mübarizəni davam etdirməyimizlə bağlamazdım. Oyundan qabaq da futbolçularıma tapşırmışdım ki, diqqətli olsunlar. “Qəbələ” bu görüşə son oyun kimi çıxacaq. “Qarabağ”la xal fərqimiz 9 oldu. İndi çempionluq yox, hazırki mövqeyimizi qorumaq barədə düşünürük”.