Portuqaliyanın baş məşqçisi: “Bu, Azərbaycan üçün böyük üstünlükdü”

“Yer aldığımız qrup güclüdü. Qrupda yer alan komandaların hər biri qalib olmaq istəyir. O cümlədən də biz. Birbaşa Avropa çempionatına birbaşa vəqisə qazanmaq üçün qrupda birinci yeri tutmaq lazımdı. Serbiya ilə oyunda da yaxşı oynasaq da, qələbə qazana bilmədik. Çalışmalıyıq ki, növbəti oyunlarda da belə oynayaq ki, qrup qalibi olaq”. Futbolxeber.az saytına verdiyi açıqlamada bu sözləri Portuqaliyanın U-17 komandasının baş məşqçisi Filipe Ramos deyib.

Bakıda 17 yaşadək futbolçulardan ibarət milli komandalar arasında Avropa çempionatının elit-raundunun ilk turunda bu gün Portuqaliya yığması Serbiya ilə qolsuz heç-heçə oynauıb. Portuqaliyalı mütəxəssis ikinci turda üz-üzə gələcəkləri milli komandamız haqda da fikirlərini bölüşüb: “Azərbaycan millisi evdə oynayır. Bu, onlar üçün böyük üstünlükdü. Azərbaycan yığmasının elit-raunda çətinliklə düşməsindən xəbərdaram. Onu da bilirəm ki, gələn il 17 yaşlılar arasında Avropa çempionatı Azərbaycanda keçiriləcək”.