Millimizin rəqibinin heyətində 2 erməni futbolçu

21 yaşadək futbolçulardan ibarət komandalar arasında 2017-ci ildə təşkil olunacaq Avropa çempionatının seçmə mərhələsində Azərbaycan millisinin rəqibi olan Rusiya yığmasının heyəti açıqlanıb. Futbolxeber.az-ın məlumatına görə, baş məşqçi Nikolay Pisarev martın 25-dən aprelin 1-nə kimi Antalyada baş tutacaq hazırlıq prosesinə 23 futbolçu dəvət edib. Həmin siyahıda yer alanlardan ikisi ermənidir. Söhbət Penza “Zenit”inin şərəfini qoruyan Armen Ambartsumyan və “Vitess”in (Hollandiya) formasını geyən Arşak Koryandan gedir. 1994-cü il təvəllüdlü hər iki futbolçu Rusiya ilə yanaşı, Ermənistan pasportuna da sahibdirlər.

U-21 millimiz Rusiya ilə seçmə mərhələdə əvvəlcə noyabr 17-də öz meydanında, gələn il martın 24-də isə səfərdə qarşılaşacaq.

Xatırladaq ki, Antalyada keçirəcəyi təlim-məşq toplanışı çərçivəsində Rusiya yığması martın 27-də İsveçin U-21, 31-də isə bu ölkənoin U-23 millisi ilə qarşılaşacaq.