“Xəzər Lənkəran” sabah Bakıya yola düşür

Azərbaycan kubokunda mübarizəni dayandıran “Xəzər Lənkəran” ara vermədən məşqlərini davam etdirir. Futbolxeber.az-ın məlumatına görə, Lənkərandakı bazasında gündə bir dəfə olmaqla hazırlıq keçən komanda bu gün məşqini tamamlayıb, sabah Bakıya yola düşəcək. Hazırda yalnız qapıçı Vyakeslav Tomiç zədədən əziyyət çəkir ki, qolkiperin müaliçəsi paytaxtda aparılır. Onun növbəti matçda “Xəzər Lənkəran”a kömək etmə ehtimalı həkimlər tərəfindən yüksək qiymətləndirilir. Premyer Liqanın XXVI turu çərçivəsində səfərdə AZALın qonağı olacaq “Xəzər Lənkəran” oyunöncəsi son məşqini də Şüvəlanda, matçın baş tutacağı  “AZAL Arena”da keçirəcək.