"Neftçi"də maaşlar ödənilmir

Dünyada baş qaldıran iqtisadi böhran Azərbayn klublarından da yan ötmür. Futbolxeber.az-ın Fanat.az-a istinadən verdiyi məlumata görə, "Neftçi" də bu üzdən əziyyət çəkənlər sırasındadı.

Klubda 3-cü aydır ki, məvaciblər ödənilmir. Yerli futbolçuların adəti üzrə bu problem barədə danışmaması aydın məsələdirsə, əcnəbilərin susqunluğu da başadüşüləndi.

Belə ki, "ağ-qaralar"ın əksər legionerləri xeyli vaxtdır ki, "Neftçi"nin şərəfini qoruyur və "üz üzdən utanar" məsəli hələ ki, danışmamaqlarını şərtləndirir.

Qeyd edək ki, FİFA-nın qanunlarına əsasən futbolçuların məvacibləri maksimum 3 ay ərzində gecikdirilə bilər.