Georgi Nikolov azarkeşlərlə görüşüb

"İnter" PİK-in prezidenti Georgi Nikolov klubun azarkeşləri ilə görüşüb. Futbolxeber.az-ın məlumatına görə, "İnter Arena" stadionunun mətbuat konfransı zalında baş tutan görüşdə Nikolov "İnter"ə göstərdikləri dəstəyə görə azarkeşlərə minnətdarlığını bildirib. Azarkeş klubları arasında münasibətlərin normal saxlanılmasının əhəmiyyətinə toxunan klub prezidenti əlavə edib ki, "İnter" fanatları oyunlarda komandalarını həmişə olduğu kimi dəstəkləməli, oyunlar zamanı ümumi futbol atmosferini pozacaq hərəkətlərə və şüarlara yol verməməlidirlər. "İnter" fanatlarının indiyədək ciddi insidentlərə yol vermədiklərini alqışlayan Nikolov, belə xoş tendensiyanın bundan sonra da müşahidə ediləcəyinə əmin olduğunu vurğulayıb.

Görüşdə azarkeşləri maraqlandıran bir sıra məsələlər ətrafında da müzakirələr aparılıb.