“Qəbələ”nin baş meneceri Futbolxeber.az-ın özəl xəbərini təsdiqlədi

2 gün əvvəl Futbolxeber.az saytında Yuri Syominin İbrahima Niasse və Lorenso Ebesilionun ardınca “Qəbələ”nin daha bir futbolçusu - Dodonu da “Mordoviya”ya aparmaq istədiyi barədə özəl xəbər yer almışdı. Dünən “Qəbələ”nin baş meneceri Zaur Əzizov bu məlumat təsdiqləyib. Z.Əzizov Qol.az saytına verdiyi açıqlamada deyib: “Hələ yayda Syomin Dodonu komandasına cəlb etmək istəyirdi. Sabiq baş məşqçimiz Dorinel Muntyanu Dodonu əvəzedici heyətə göndərəndə Syomin bizə bildirdi ki, icazə verin bizdə icarə əsasında oynasın. Biz buna razı olmadıq. Bu ilin yanvar ayında Antalya toplanışı zamanı Syomin yenidən Dodonu bizdən istədi. Lakin onu komandadan göndərmək fikrimiz yoxdur".