“Prosineçkidən dəvət gözləməklə deyil ki...”

“Fevralın 24-də AZAL-la təxirə salınmış oyunumuz var idi. Məhz bu səbəbdən də komandamızdan heç kim milliyə dəvət almadı”. Futbolxeber.az saytına verdiyi açıqlamada bu sözləri “Neftçi”nin yarımmüdafiəçisi Mirhüseyn Seyidov deyib.

Seyidov gələcəkdə yığmanın heyətinə düşmək üçün əlindən gələni edəcəyini bildirib: “Millinin növbəti toplanışı martda olacaq. Malta ilə oyuna qədər çempionatda bir neçə turun oyunları keçiriləcək. Bu müddətdə özümü yaxşı tərəfdən göstərsəm, təbii ki milliyə dəvət ala bilərəm. Amma Prosineçkidən dəvət gözləməklə deyil ki...Gərək, futbolçu ilk növbədə özünü çempionat oyunlarında göstərsin ki, yığmaya da dəvət alsın. Mən də milli komandaya dəvət almaq üçün əlimdən gələni edəcəyəm”.