“Qarabağ” məşqlərə davam edir

Premyer Liqanın XXIV turunda “Qəbələ”ni qəbul edəcək “Qarabağ” oyunöncəsi məşqlərini bazasındakı meydançada edəcək. Futbolxeber.az-ın klubun rəsmi saytına istinadən verdiyi məlumata görə, bu günə komandanın bir məşqi nəzərədə tutulub. Məlum olduğu kimi, hazırda Antalyada təlim-məşq toplanışında olan millimizdə “Qarabağ”ı Rəşad Sadıqov, Bədavi Hüseynov, Qara Qarayev, Vüqar Nadirov, Namiq Ələsgərov təmsil edir. Belə də Ağdam klubu qarşıdakı oyuna 6 əksiklə hazırlaşır.

Qeyd edək ki, fevralın 28-də Tofiq Bəhramov adına Respublika stadionunda baş tutacaq “Qəbələ” ilə oyun 17:00-da başlayacaq.