Mombonqo hakimlər haqda: “Deməyə söz tapmıram”

“Neftçi”yə qarşı ilk hissədə əzif təsir bağışladıq. Lakin ikinci 45 dəqiqədə üstünlüyü tamamilə ələ keçirmişdik”. Futbolxeber.az saytına verdiyi açıqlamada bu sözləri AZAL-ın hücumçusu Freddi Mombonqo deyib.

Konqolu oyunun gedişində “Neftçi”nin müdafiəçisi Karlos Kardoso ilə tez-tez mübahisə etməsinə belə aydınlıq gətirib: “Futbolda belə hallar olur. Bu, ciddi problem deyil. Kardoso yaxşı müdafiəçidi. O mənə qarşı aqressiv oynayırdı”.

AZAL-ın forvardı “Neftçi” ilə oyunu idarə edən hakimlərdən narazı qalıb: “Hakim halal penaltimizi vermədi. Deməyə söz tapmıram. Hakimliklə bağlı problemlər var. AZAL-ın oyunlarında bu cür hallar tez-tez olur”.