“Azərbaycan millisinin heyətində yüksəksəviyyəli futbolçular var”

“Şaxtyor”un müdafiəçisi İvan Ordets yoxlama oyununda yığmamız üzərində qazandıqları qələbəni (2:1) şərh edib. Futbolxeber.az-ın məlumatına görə, 23 yaşlı futbolçu Azərbaycan millisi haqda müsbət fikirlər səsləndirib: “Bugünkü rəqibimiz heç də zəif deyildi. Azərbaycan millisinin heyətində yüksəksəviyyəli futbolçular var. Onları topu gözəl saxlayır, eləcə də pressinqdən çıxmağı bacarırdılar. Bu komanda təlim-məşq prosesində qarşılaşdığımız ən güclü rəqiblərdən biri idi. Meydanın durumu yaxşı idi, yağış yağsa da, drenaj buna tab gətirdi. Odur ki, havanın pisləşməsi heç bir tərəfin oyununa təsir etmədi”