“Dnepr”in baş məşqçisi: “Qarabağ”ın üzüntüsünü başa düşürəm”

"Yəqin ki, hakim həmin epizodda səhvə yol vermişdi. Ancaq nə etmək olar, bu futboldur". Futbolxeber.az-ın məlumatına görə, bu sözləri Qol.az-a "Dnepr"in baş məşqçisi Miron Markeviç "Qarabağ"ın Avropa Liqasında "İnter"lə qarşı matçın son dəqiqəsində vurduğu təmiz qolun qeydə alınmamasına münasibət bildirərkən deyib.

"Biz “İnter”lə oyunda penaltidən istifadə edə biləsəydik, rahatlıqla qrupdan çıxacaqdıq. Ancaq gördüyünüz kimi, bizim də bəxtimiz gətirmədi. Bununla belə qrupdan çıxa bildik" - deyə o bildirib.

M.Markeviç bildirib ki, matçın son dəqiqəsində vurulan qolu qeydə alınmayan "Qarabağ" üzüntüsünü başa düşür: "Ancaq hakimin qərarı heç vaxt dəyişdirilmir".

Qeyd edək ki, M.Markeviç hazırda millimizin "Şaxtyor"la oynadığı yoldaşlıq matçını stadiondan izləyib.