AZAL-ın vitse-prezidenti qalmaqaldan danışıb, Sxadadzeni ittiham etdi

AZAL-ın vitse-prezidenti Fikrət Hüseynov “İnter”lə oyundan sonra yaşanan qalmaqal haqda danışıb. F. Hüseynov Futbolxeber.az saytına verdiyi açıqlamada qalmaqala görə “İnter”i günahlandırıb: “Oyundan sonra uşaqlarla söhbət etdim. Hamısı ağlayıdı. İnsident yan xətt hakimin gözləri qarşısında baş verdi. “İnter”in 88 nömrəli futbolçusu (Derlis Meza Kolli nəzərdə tutulur-red.) İqbekoyinin saçlarından tutdu, sonra isə onu vurdu. Hər şey də bundan sonra başladı. “İnter”in baş məşqçisini də anlamaq çətindir. O, futbolçularını sakitləşdirmək əvəzinə yan xətt hakimini söyürdü. Onun sözləri deyiləsi deyil. Belə biabırçılıq olmaz. Biz ev sahibiyik. Amma bu cür halla ilk dəfədir ki qarşılaşırıq. Kaxaber Sxadadze 1-2 aya çıxıb gedir. O demək deyil ki, Azərbaycan xalqını təhqir etsin. Deməyə söz tapmıram”.