Azərbaycan millisi Antalyada klubla deyil, milli ilə qarşılaşa bilər ÖZƏL

Fevralin 20-dən 26-ına kimi Antalyada təlim-məşq toplanışında olacaq 21 yaşadək futbolçulardan ibarət Azərbaycan milli komandasının keçirəcəyi 2 yoxlama oyunundakı rəqiblərindən biri dəyişə bilər. Bu haqda Futbolxeber.az saytına müsahibəsində U-21-in baş məşqçisi Yaşar Vahabzadə məlumat verib: “Antalyada fevralın 23-də Qananın U-21 yığması, fevralın 26-da isə Çinin “Hunan Billows” klubu ilə qarşılaşacağımız barədə razılıq əldə olunub. Qana ilə görüşəcəyimiz dəqiqdir. Lakin ehtimal var k, ikinci oyundakı rəqib dəyişsin. Ola bilər ki, ayın 26-da Çin klubu ilə deyil, başqa ölkənin millisi ilə qarşılaşaq. Bu məsələ qarşıdakı günlərdə dəqiqləşəcək”.