“Qarabağ”dan “Neftçi” yə mesaj: “Əliyar Ağayevin istənilən hakimlə əvəz olunmasını təklif edirik”

Azərbaycan Premyer Liqasının XXIII turunda keçiriləcək “Neftçi” - “Qarabağ” oyununa Əliyar Ağayev təyinat alıb. Futbolxeber.az-ın məlumatına görə, təyinatdan sonra yaranmış ajiotajı nəzərə alan “Qarabağ”, əvvəl “Neftçi”yə, daha sonra isə AFFA-ya müraciət edərək sabahkı oyununun baş hakiminin dəyişdirilməsini təklif edib. Ağdam klubunun müraciəti belə tamamlanıb: “Əliyar Ağayevin istənilən hakimlə əvəz olunmasını təklif  edirik”.