Nikolay Adam: “Revanş oyununda qalib gəlmək əsas məqsədimizdir”

Elit-raund ərəfəsində Finlandiyada təlim-məşq toplanışında olan Azərbaycanın U-19 milli yığma komandası fevralın 20-də finlandiyalı həmyaşıdları ilə yoldaşlıq oyun keçirəcək. Futbolxeber.az-ın AFFA-nın feysbuk səhifəsinə istinadən verdiyi məlumata görə, komandanın baş məşqçisi Nikolay Adam ümidlidir və revanş gözləyir: “Güclü tərəfimiz komandanın çoxdandı birlikdə oynamasıdır, 1997-ci il təvəllüdlü oyunçularımız Qranatkin turnirində yaxşı nəticə göstərdilər. Bu kimi məqamlar psixoloji cəhətdən rəqiblə müqayisədə bizə daha da üstünlük verir. Finlandiya yığması ilə keçən il Riqada keçirilən “Federation Cup” turnirində qarşılaşmışdıq və minimal hesabla (2:3) məğlub olmuşduq. Fevralın 20-də keçiriləcək revanş oyununda qalib gəlmək əsas məqsədimizdir”.