“İcraiyyə Komitəsinə üzv olsam...”

Milli komandamızın sabiq baş məşqçisi, Klublar Komitəsinin rəhbəri Vaqif Sadıqov AFFA İcraiyyə Komitəsinə üzvlüyünə namizədliyi irəli sürülməsinə münasibət bildirib. V. Sadıqov Futbolxeber.az saytına verdiyi açıqlamada deyib: “Təbii ki, namizədliyimin irəli sürülməsi barədə məlumatım var. Bu günlərdə “Sumqayıt” klubunun rəhbərliyi ilə görüşümüz oldu. Onlar mənim namizədliyimi irəli sürdüklərini bildirdilər. Mən də təklifi müsbət qarşıladım. Yekun qərar AFFA İcraiyyə Komitəsinin növbəti iclasında veriləcək. İcraiyyə Komitəsinə üzv seçilsəm, əvvəl olduğu kimi yenə də futbolumuzun inkişafı üçün əlimdən gələni edəcəyəm”.