"Küncdən zərbə" verilişinin ilk buraxılışı oldu

"İnter" PİK-in nəzdində fəaliyyət göstərən İnterTV internet televiziyasında yeni layihəyə start verilib. Futbolxeber.az-ın məlumatına görə, "Küncdən zərbə" adlanan verilişə "İnter"in əsas komandasının məşqçiləri və futbolçularıyla yanaşı, əvəzedici heyətin məşqçi və oyunçuları, o cümlədən futbol mütəxəssisləri və KİV nümayəndələri, azarkeşlər də dəvət olunacaqlar. Veriliş klubun Youtube internet-servisindəki rəsmi səhifəsi vasitəsilə canlı yayınlanır. Hər həftə efirə gedəcək veriliş zamanı tamaşaçılar "Inter" PİK-in Facebook sosial şəbəkəsindəki səhifəsi vasitəsilə qonağa və ya qonaqlara birbaşa sual vermək imkanı əldə edəcəklər. Canlı efir başa çatdıqdan sonra verilişin videoyazısı "İnter"PİK-in sosial şəbəkələrdəki rəsmi səhifələrində yerləşdiriləcək.

Əlavə edək ki, "Küncdən zərbə" verilişinin ilk qonağı "İnter" komandasının yeni transferi Ruben Schaken olub.