Baş məşqçi Krivotçukun “Neftçi”yə keçməsinə imkan vermədi, “Qarabağ” ondan imtina etdi ÖZƏL

Milli komandamıza dəvət alan Anton Krivotçukun “Neftçi”nin maraq dairəsində olduğu barədə xəbər vermişdik. Hətta “ağ-qaralar”ın ukraynalı futbolçuya 3 illik müqaviləyə görə 200 min dollar təklif etdiyini də yazmışdıq. Futbolxeber.az-ın məlumatına görə, Krivotçuk “Neftçi”nin təklifini geri çevirib. Belə ki, 17 yaşadək futbolçulardan ibarət milli komandamızın baş məşqçisi Mirbağır İsayev Anton Krivotçuka “Neftçi”yə deyil, “Qarabağ”a keçməyi məsləhət bilib. İsayev fikrini belə izah edib ki, 17 yaşlı futbolçu Azərbaycanda yalnız “Qarabağ”da inkişaf edə bilər. Ağdam klubu isə ukraynalı futbolçunun xidmətində maraqlı olmayıb. Bu səbəbdən də Krivotçuk son olaraq Kiyev “Dinamo”sunun əvəzedici heyəti ilə məşqlərə qatılıb.