“Xəzər Lənkəran” 2015-ci ilin ilk ev oyununun hazırlığına başladı

Premyer Liqanın XVIII turu çərçivəsində evdə Bakının “İnter” klubunu qonaq edəcək “Xəzər Lənkəran” hazırlığa start verib. Futbolxeber.az-ın klubun rəsmi saytına istinadən verdiyi məlumata görə, Lənkərandakı bazasında dünən bir araya gələn komanda, bərpa məşqini keçirdikdən sonra bu  gündən etibarən  “İnter” oyunu hazırlığına başlayıb. Səhər və axşam olmaqla gündə iki dəfə məşq keçəcək “Xəzər Lənkəran”, fevral ayının 6-da oyunöncəsi son məşqinə çıxdıqdan sonra hazırlığını tamamlayıb, oyun saatını gözləyəcək.

Hazırda “Xəzər Lənkəran”da İlqar Ələkbərov zədə səbəbindən kollektiv məşqlərə qoşula bilməsə də, fərdi olaraq çalışmalara qatılır.

Xatırladaq ki, “Xəzər Lənkəran”-“İnter” matçı fevral ayının 7-də saat 17.00-da start götürəcək və “Xəzər Lənkəran”Tv ilə canlı yayımlanacaq.