AFFA prezidenti Yaşar Seyidovun müraciətini qəbul etdi: “Bakı”ya yardım ediləcək

“Bakı”nın vitse-prezidenti Yaşar Seyidovun bu günlərdə AFFA prezidenti Rövnəq Abdullayevə müraciət ünvanlayıb. Futbolxeber.az-ın məlumatına görə, klubdakı problemlərin həlli üçün əlindən gələni əsirgəməyən Seyidov, Abdullayevdən komandadakı çətinliklərin həllinə yardım olunmasını rica edib. AFFA pezidenti də müraciəti müsbət cavablandırıb və “Bakı”ya kömək olunmasına göstəriş verib.

Qeyd edək ki, AFFA-nın baş katibi Elxan Məmmədov bu gün Klublar Komitəsinin iclasından sonra jurnalistlərə verdiyi müsahibədə “Bakı”nın hazırki durumunun assosiasiya prezidentinin diqqət mərkəzində olduğunu vurğulayıb. Baş katib əlavə edib ki, Rövnəq Abdullayev “Bakı”ya yardım olunmasına göstəriş verib.