Elxan Məmmədov: “Şübhəm var ki, Premyer Liqada mövsüm heç 9 komanda ilə də başa çatmasın”

“Peşəkar Futbol Liqası hazırda çox çətin vəziyyətdədir. Bu gün Azərbaycan futbolunda 1 nömrəli problem ölkə çempionatıdır”. Futbolxeber.az saytına müsahibəsində bu sözləri AFFA-nın baş katibi Elxan Məmmədov deyib.

Assosiasiya rəsmisi qeyd edib ki, mövsümün sonuna kimi Premyer Liqadakı bütün komandaların mübarizəni davam etdirəcəyinə də şübhə ilə yanaşır: “Vəziyyət çox pisdir. Ramin Musayevlə də bu haqda mütəmadi olaraq danışırıq. Çempionat 10 komanda ilə başladı. İndi 9 komanda qalıb. Amma şübhəm var ki, Premyer Liqada mövsüm heç 9 komanda ilə də başa çatmasın. Bunu açıq deyirəm, klublar yox olurlar. 2001-ci ildən bu yana Premyer Liqada mübarizə aparan 17 peşəkar klub fəaliyyətini dayandırıb. Bu, faciədi bizim üçün”.