“Rövnəq Abdullayev göstəriş verib ki, “Bakı”nın problemləri həll olunsun”

“AFFA rəhbərliyi “Bakı”nın problemlərinin həll olunması üçün əlindən gələni edir”. Futbolxeber.az saytına müsahibəsində bunu AFFA-nın baş katibi Elxan Məmmədov deyib.

Məmmədov qeyd edib ki, AFFA prezidenti Rövnəq Abdullayev də klubun problemlərinin həll olunmasının tərəfdarıdır: “Biz “Bakı”nın tezliklə çətin vəziyyətdən çıxmasının tərəfdarıyıq. Keçən dəfə İcraiyyə Komitəsinin iclasında Hafiz Məmmədovla da bu haqda söhbətimiz oldu. O da tezliklə bütün problemlərin həll olunacağını qeyd etdi. Rövnəq Abdullayev göstəriş verib ki, “Bakı”nın problemləri həll olunsun. Amma bizim də əlimiz çatmayan yerlər var”.