"Kayseri Ərciyəsspor"un baş məşqçisi: “Azərbaycan komandaları və ölkə çempionatı getdikcə güclənir”

"Kayseri Ərciyəsspor"un baş məşqçisi Mehmet Özdilək yoxlama matçında "Neftçi" ilə qolsuz bərabərə qalmaları haqda danışıb. Futbolxeber.az-ın məlumatına görə, Özdilək deyib: “Adından da bəlli olduğu kimi bu hazırlıq matçıdır. Gələn həftə bizdə Superliqanın oyunları başlayır. Hazırlıq oyunları gələcək üçün çox önəmlidir. Bu gün hər iki komanda üçün yaxşı bir məşq oldu. Hər iki tərəfin qol vəziyyətləri oldu. Matçda həm sürət, həm də mübarizə vardı. Azərbaycan komandaları və ölkə çempionatı getdikcə güclənir. Bu komandada da fərdi ustalığı yüksək səviyyədə olan futbolçular var”.