“Xəzər Lənkəran” qələbə hesabını qoruya bilmədi

Antalyada təlim-məşq toplanışında olan “Xəzər Lənkəran” bu gün hazırlıq prosesi çərçivəsində üçüncü yoxlama oyununa çıxıb. Futbolxeber.az-ın məlumatına görə, Lənkəran təmsilçisi Ukraynanın “Metallurq” klubu ilə üz-üzə gəlib. Matç “Xəzər Lənkəran”ın 1:2 hesablı məğlubiyyəti ilə tamamlanıb. 30-cu dəqiqədə Sadio Tounkara Lənkəran klubunu hesabda önə keçirsə də, 85 və 89-cu dəqiqələrdə təmsilçimizin qapısına yol tapan “Metallurq” 2:1 hesablı qələbə qazanıb.