“Zenit”in akademiyasını direktoru: “Bizim üçün Şeydayevin Rusiya və ya Azərbaycanı seçməsi əhəmiyyətsizdir”

“Mən Ramil Şeydayevin baş məşqçisi olmamışam. Amma 3 ildir ki, onun oyununu yaxından izləyirəm. Ramil Sankt-Peterburqda nadir futbolçulardandır ki, daim inkişaf edir”. Futbolxeber.az saytına verdiyi müsahibədə bu sözləri Valentin Qranatkinin xatirəsinə həsr olunmuş 27-ci beynəlxalq turnirdə Azərbaycan millisi ilə qarşılaşacaq Sankt-Peterburq komandasının baş məşqçisi Vladimir Kazaçonok deyib.

“Zenit”in akademiyasını direktoru olan 63 yaşlı mütəxəssis, Şeydayevin hansı ölkənin millisini seçməsi ilə bağlı maraqlı açıqlama verib: “Zenit”ə düşmək üçün Şeydayevin hansı millinin formasını geyməsi əhəmiyyətsizdi. İnkişaf etmək, güclü futbolçu olmaq üçün indi o, daim oynamalıdır. Azərbaycanı seçməsinin Ramil üçün problem yaradacığını düşünmürəm. Yəni, “Zenit” üçün onun Rusiya və ya Azərbaycanı seçməsi əhəmiyyətsizdir. Yaxşı futbolçu olsa, “Zenit”in əsas heyətinə düşəcək. Əsas odur ki, klubuna fayda versin”.