Millimizin baş məşqçisi: “Əsas odur ki, Rusiya ilə oyuna qədər...”

“Qapıda Tolqa Şahinə deyil, Ağaseyid Qasımova şans verməyim səbəbsiz deyil. Tolqa Şahin Bakıda keçirilən təlim-məşq toplanışında iştirak edə bilməmişdi. Üstəlik, dünən baş tutan oyunöncəsi məşqdə də Ağaseyid özünü yaxşı tərəfdən göstərdi”. Futbolxeber.az-ın Sankt-Peterburqa ezam olunmuş əməkdaşına verdiyi açıqlamada bu sözləri U-19-un baş məşqçisi Nikolay Adam deyib.

Valentin Qranatkinin xatirə turnirinin ilk turu çərçivəsində Yaponiyaya qarşı baş tutan oyunda (1:0) Adamın qapıda “Qarabağ”ın gənc qolkiperinə şans verib.    

Alman məşqçi sabah yarışın ikinci turu çərçivəsində Rusiya-2 komandasına qarşı baş tutacaq oyun haqda da fikirlərini açıqlayıb: “Rusiya ilə oyunumuz da çətin olacaq. Rəqib zəif deyil. Üstəlik, bizdən fərqli olaraq onlar bu gün istirahət ediblər. Bununla belə, meydana yenə də yalnız qələbə üçün çıxacağıq. Əsas odur ki, Rusiya ilə oyuna qədər gücümüzü bərpa edək”.