Prosineçkinin köməkçisi: “Azərbaycan millisinin oyununu çox bəyəndim”

“Bu gün Azərbaycan millisinin oyununu çox bəyəndim. Komanda inamlı təsir bağılayaraq, Yaponiya üzərində vacib qələbə qazandı”. Futbolxeber.az-ın Sankt-Peterburqa ezam olunmuş əməkdaşına verdiyi açıqlamada bu sözləri əsas millimizin məşqçisi Yanko Yankoviç deyib.

Baş məşqçi Robert Prosineçkinin U-19-ın çıxışını yaxından izləmək üçün Sankt-Peterburqa göndərdiyi Yankoviç, gələcəkdə bu komandanın bir neçə futbolçusunun əsas yığmada oynayacağını bildirib: “Komanda sona qədər intizamlı oynadı. Bunun da nəticəsində qələbə qazanmaq mümkün oldu. Heyətdə yaxşı futbolçular var. Konkret ad çəkməyəcəm. Yalnız onu deyim ki, hazırki heyətdən 4-5 futbolçu gələcəkdə əsas millinin də formasını geyə biləcək. Bu turnirə, komandanın çıxışına Prosineçki də böyük diqqət ayırır. Bütün lazımı məlumatları ona verəcəyəm”.