Şahin Diniyev: “U-21-in baş məşqçi vəzifəsinə 4 namizədimiz var”

Məşqçilər Komitəsi U-21-in baş məşqçi postuna namizədlərini AFFA rəhbərliyinə təqdim edib. Bu haqda Futbolxeber.az saytına müsahibəsində Komitənin üzvü, milli komandamızın sabiq baş məşqçisi Şahin Diniyev məlumat verib: “Məşqçilər Komitəsi olaraq bizim istəyimiz odur ki, aşağı yaş qrupu üzrə milli komandaların hamısının baş məşqçisi yerli mütəxəssis olsun. U-21-ə gəldikdə isə konkret 4 namizədimiz var. Onların adlarını AFFA rəhbərliyinə təqdim etmişik. Seçimi isə rəhbərlik edəcək”.