“Qəbələ”nin yeni baş məşqçisi: “İndidən bu haqda danışmaqda məna görmürəm”

“Qəbələ”nin yeni baş məşqçisi Roman Qriqorçuk heyətdə müəyyən dəyişikliklər edəcəyini bildirib. Futbolxeber.az-ın məlumatına görə, ukraynalı mütəxəssis tədqimetmə mərasimində heyətə yeni oyunçular cəlb edəcəklərini qedy edib: “Azərbaycana gəlməmişdən öncə də “Qəbələ”nin oyununa baxmışam. Burada olduğum müddətdə də matçlara canlı tamaşa etmişəm. Yaxşı təəssüratlarımın olduğunu deyə bilmərəm. Uğur qazanmaq üçün heyətdə güclü rəqabət olmalıdı. İstənilən yaşda komanda üzvləri inkişaf etməlidirlər. Biz də bunun üçün çalışmalıdır. Anlayırıq ki, yeni oyunçular cəlb olunmalıdır. Amma indidən bu haqda danışmaqda məna görmürəm. Yeni futbolçular olacaq. Amma indidən ad çəkə bilmərəm. Maraq dairəmidə olan futbolçuların adlarını yalnız rəsmi müqavilə imzalandıqdan sonra biləcəksiniz”.