Elçin Məmmədov: "Heç kim məni hakimlikdən qovmayıb"

“Mən bunu indi yox, səhv etmirəmsə, ötən ayın ya 15-i idi, ya da 16-sında etmişdim. Yazılı şəkildə müraciət etmişdim ki, hakimlikdən getmək istəyirəm". Futbolxeber.az-ın Stadium.az-a istinadən verdiyi məlumata görə, bu sözləri hakimlikdən qovulduğu deyilən futzal üzrə FİFA referisi Elçin Məmmədov deyib.

Məmmədov hakimlikdən qovulmadığını, futzalda karyerasını davam etdirdiyini söyləyib: "Amma deyə bilərəm ki, heç kim məni hakimlikdən qovmayıb və uzaqlaşdırmayıb. Sabah futzal çempionatında oyunum var, hakimlikdən qovulan hamısından uzaqlaşdırılır. Düzünə qalsa, indi işlərim çoxdur, başım şəxsi işlərimə çox qarışıqdır. İndi belə söz-söhbətlərə ayıracaq vaxtım da yoxdur. Zamanı çatanda, hər şeyə özüm aydınlıq gətirəcəm”.