"Syomin “Qəbələ”ni iyundan erkən çalışdıra bilməz”

Məşhur rusiyalı mütəxəssis Yuri Syominin "Qəbələ"ni çalışdıracağı haqda xəbərlər Rusiya mətbuatında da gündəmi zəbt edib. Futbolxeber.az-ın məlumatına görə, "Qazeta.ru"nun əməkdaşı "Qəbələ"nin baş meneceri Zaur Əzizovla Syominin təyinatı haqda danışıb. Klub rəsmisi rusiyalı jurnalistin sualını belə cavablandırıb: "Syominin komandamızı çalışdıracağı haqda deyilənlər həqiqəti əks etdirir. Ancaq bu hələ 100 faiz o demək deyil ki, belə də olacaq. Biz artıq Yuri Pavloviçlə görüşmüşük. Yaxın günlərdə daha bir görüşümüz olacaq. Bax o zaman biz dəqiq biləcəyik ki, o, “Qəbələ”ni çalışdıracaq, ya yox. Syomin baş məşqçi postuna əsas namizədimizdir. Komandanı hazırda çalışdıran Luis Araqon isə yenə əvəzedici komandada işləyəcək. Ancaq Syomin “Qəbələ”ni iyundan erkən çalışdıra bilməz”.