“Neftçi”nin vitse-prezidenti: “Bu transfer Azərbaycan futbolu adına böyük uğurdur”

“Emilin “Ayntraxt”a keçidi bizim üçün qürurvericidir. Bu, təkcə “Neftçi” yox, həm də Azərbaycan futbolu adına böyük uğurdur”. Futbolxeber.az-ın məlumatına görə, bu sözləri “Neftçi”nin vitse-prezidenti Elnur Məmmədov deyib.

“Ağ-qaralar”ın üzvü Emil Balayevin “Ayntraxt”a transferi münasibəti ilə keçirilən mətbuat konfransında çıxış edən klub rəsmisi, Balayevin üzərinə böyük yük düşdüyünü bildirib: “Hazırda Emilin üzərinə böyük yük düşür. O, Almaniyada özünü göstərməklə digər gənc futbolçularımızın da Avropaya yolunu aça bilər. Emili uzun müddətdir tanıyıram. O, təkcə istedadlı futbolçu olmaqla yanaşı, həm də savadlı gəncdir. Yaxşı futbolçu kimi yetişməyində bu amilin də rolu var”.