Anar Salmanov: “Adım FİFA-ya göndərilməli olsa da, son anda siyahıda dəyişiklik edilib”

Bu gün Futbolxeber.az saytına açıqlama verən Anar Salmanov FİFA referisi adından məhrum olmasını təkzib etmişdi. Amma az əvvəl saytımızla yenidən əlaqə saxlayan Salmanov, xəbərin həqiqət olduğunu bildirdi: “Siz səhər zəng vuranda həqiqətən də məsələdən xəbərsiz idim. Heç kim düşünməsin ki, Anar yalan danışıb. Sonradan AFFA-ya yollanaraq, məsələni araşdırdım. Adım həqiqətən də siyahıdan son anda çıxarılıb. Halbuki üçüncü hakim kimi adım FİFA-ya göndərilməliydi. Lakin son anda siyahıda dəyişiklik edilib. İndi bu haqda ətraflı danışmaq istəmirəm. Yalnız onu deyim ki, sona kimi haqqımı qoruyacağam”.