Yaşar Vahabzadənin U-21-in baş məşqçisi olmasına kimlər mane olub? EKSKLÜZİV

Dünən AFFA İcraiyyə Komitəsinin iclasında 21 yaşadək futbolçulardan ibarət milli komandamızın baş məşqçi postuna Yaşar Vahabzadənin təyin olunması barədə müzakirələr aparılıb. Futbolxeber.az-ın əldə etdiyi məlumata görə, komitə üzvləri Bernhard Lippertin postunda onu köməkçisinin əvəzləməsinə müsbət yanaşsalar da, veteranlar buna qarşı çıxıb. Məhz veteranların etirazı səbəbindən Vahabzadənin təyinatı rəsmiləşməyib və qərara alınıb ki, U-21 də əcnəbi mütəxəssisə tapşırılsın.

Qeyd edək ki, Vahabzadə uzun illər müxtəlif yaş qrupları üzrə milli komandalarda çalışıb. Üstəlik, Lippertin baş məşqçi olduğu dövrdə də əsas işi məhz o aparırdı. Bu səbəbdən də Yaşar Vahabzadənin U-21-ə baş məşqçi təyin olunacağı gözlənilən idi.