Prosineçkinin millimizdəki qazancı və təqdimetmə mərasimin vaxtı bəlli oldu

Robert Prosineçkinin milli komandamızın yeni baş məşqçisi olacağı artıq dəqiqləşib. Futbolxeber.az-ın məlumatına görə, bu haqda Xorvatiyanın “vecernji” nəşri xəbər yayıb. Məlumatda qeyd olunub ki, bu günlərdə AFFA rəsmiləri Prosineçki ilə yenidən üz-üzə gəliblər və razılıq əldə olunub. Anlaşmada keçmiş futbolçu Sipe Lapiç vasitəçilik edib. Prosineçki Bosniya və Hersoqovina millisindən dəvət alsa da, Azərbaycanı seçib. Bunda onun ölkəmizdə illik qazancının 1,5 milyon avro olması da rol oynayıb. Dekabrın 2-də Prosineçkinin təqdimetmə mərasimi keçiriləcək. Onun Azərbaycan millisinin baş məşqçi kimi rəsmi debütu isə 2015-ci il, martın 28-də Malta ilə oyunda baş tutacaq.