“Xəzər Lənkəran”ın yarımmüdafiəçisi “Böyük oyun”da yubileyini qeyd edə bilər

"Xəzər Lənkəran"ın heyətində növbəti oyun Sadio Tounkara üçün yubiley 100-cü oyun olacaq. Futbolxeber.az-ın klubun rəsmi saytına istinadən verdiyi məlumata görə, komandanın malili yarımmüdafiəçisi karyerasında 100-cü dəfə “ağ-yaşıllar”ın heyətində rəsmi matça çıxacaq.

2012-ci ilin əvvəlində transfer olunan afrikalı 2011/12 mövsümündün AZAL-la görüşündə ilk dəfə komandanın formasını geyib. 2012-ci il fevralın 16-dakı qarşılaşmanın 68-ci dəqiqəsində meydana daxil olan afrikalı 3 ilə yaxın müddətdə 81 çempionat, 10 kubok, 7 Avroliqa, 1 Superkubok görüşünün iştirakçısı olub.

Çempionatda çıxışını dayandıran “Araz-Naxçıvan”la oyunun nəticəsi ləğv olunduğundan Sadionun yubileyi “Neftçi” ilə “Böyük oyun”a təsadüf edəcək. Əgər Naxçıvan təmsilçisi mübarizəni davam etdirmiş olsaydı, afrikalı artıq “İnter”lə XII turun matçında 100-ə çatacaqdı. 

Sadio “Xəzər Lənkəran”ın tarixində 100 oyun səddinə çatan 9-cu futbolçu olacaq. Onadək bunu 8 oyunçu bacarıb. Radomir Todorov və Adrian Skarlatakedən sonra 100-ü fəth edən 3-cü legioner kimi tarixə düşəcək Tounkara klubda bunu bacaran ilk afrikalı olacaq. 

"Xəzər Lənkəran" TV-nin Sadio Tounkaranın 100 oyunu barədə hazırladığı süjeti təqdim edirik: