George Çixradze: "Əsas məsələ rəqibin zəif nöqtələrini tapmaqdır"

Futbol üzrə Azərbaycan çempionatının 13-cü turunda səfərdə "Qəbələ" üzərində 3-2 hesablı qələbə qazanan "Simurq"un baş məşqçisi George Çixradze komandasının oyunundan razı qaldığını bildirib. Futbolxeber.az xəbər verir ki, gürcü məşqçi komandasının qələbəyə layiq olduğunu deyib: “Oyun çox maraqlı alındı. Hər iki komanda qalib gəlmək istəyirdi. Komandalar çox sayda qol epizodu yaratdı. Bu gün bizim komandamız mübarizə apardı, qalib gəlməyə çalışdı. Düşünürəm ki, “Simurq” layiq olduğu qələbəni əldə etdi. Azarkeşlərin də bu oyundan razı qalacağını təxmin edirəm. Son 3 oyunda rəqibi qarşılamağa və qapıya zərbələr endirməyə çalışırıq. Bu gün də eyni işi gördük və 3 qol vurduq. Komandamı oyuna necə hazırladığımı danışsam, bəlkə də sizin üçün maraqsız olar. Əsas məsələ komandanı oyuna yaxşı hazırlamaq və rəqibin zəif nöqtələrini tapmaqdır”.