Zaur Əzizov: “Uğursuzluq davam etsə, istefa barədə düşünmək olar”

“Komandamızın sərgilədiyi oyun, qazandığı nəticələr təbii ki, bizi qane etmir”. Futbolxeber.az saytına verdiyi müsahibədə bu sözləri “Qəbələ”nin baş meneceri Zaur Əzizov deyib.

Klub rəsmisi hazırda baş məşqçi Dorinel Muntyanunun istefası barədə düşünmədiklərini bildirib: “Problem ondadır ki, yayda komandaya cəlb olunan yeni futbolçular etimadı doğrultmurlar. Bu səbəbdən də qışda komandada müəyyən dəyişikliklər olacaq. Baş məşqçi Dorinel Muntyanu ilə mütəmadi olaraq söhbətlərimiz olur. Hazırda onun istefası barədə düşünmürük. Amma komanda ardıcığı uğursuz oyunlar keçirsə, bu barədə düşünmək olar. Məncə, bunda qeyri-adi heç nə yoxdur. İstənilən komandada ardıcıl uğursuzluqlar olan belə addım atılır”.