Tərlan Əhmədov: “Qırmızı vərəqə bütün planlarımızı pozdu”

“İlk növbədə "Sent-Etyen"lə oyunda "Qarabağ"a uğurlar arzulayıram. “Qarabağ” Avropada yeganə təmsilçimizdir. Ümid edirəm ki, qələbə qazanıb, bizi sevindirərlər”. Futbolxeber.az-ın məlumatına görə, bu sözləri “Qarabağ”la oyundan sonra AZAL-ın baş məşqçisi Tərlan Əhmədov deyib.

Əhmədov qırmızı vərəqə amilini qabardıb: “Oyuna gəldikdə, biz 30 dəqiqə futbol gördük. Qırmızı vərəqə bütün planlarımızı pozdu. İstəyirdik hücumları cinahdan quraq. Etiraf edim ki, səhvlərimiz var idi. Qırmızı vərəqə olmasaydı, bəlkə başqa oyun görərdik. Amma yenə futbulçularıma təşəkkür bildirmək istəyirəm. Azlıqda qalsaq da, qol vura bildik. "Qarabağ"ı təbrik edirəm”.