Rahid Əmirquliyev: “Günahı kiminsə üstünə atmaq istəmirəm”

“İlk qolu yenə öz səhvimizdən buraxdıq. Buna baxmayaraq ikinci hissə pis oynamadıq”. Futbolxeber.az saytına verdiyi açıqlamada bu sözləri “Xəzər Lənkəran”ınb kapitanı Rahid Əmirquliyev deyib.

“İnter”ə 1:3 hesabı ilə uduzduqları oyun barədə danışan təcrübəli yarımmüdafiəçi, komanda yoldaşlarını günahlandırmayıb: “Günahı kiminsə üstünə atmaq istəmirəm. Düzdür, hər oyun öz səhvimizdən qol buraxırıq. Gərək, bu səhvlərdən indi nəticə çıxaraq. Qarşıdan “Neftçi” ilə oyun gəlir. Ümid edirəm ki, eyni səhvləri tərarlamarıq. Deməzdim ki, günah tək məşqçinindir. Uduzuruqsa bu, bütün komandanın səhvidir.

Çalışacağıq ki, “Neftçi” ilə oyunda özümüzü yaxşı tərəfdən göstərək”.