“Bakı”nın baş məşqçisi: “Qarabağ" kimi komandaya köməklik göstərmək düzgün deyil”

“Bakı”nın baş məşqçisi İbrahim Uzunca Premyer Liqanın 12-ci turu çərçivəsində “Qarabağ”a 2:4 hesabı ilə uduzduqları oyun barədə danışıb. Futbolxeber.az-ın məlumatına görə, türkiyəli mütəxəssis komandasından razı qaldığını bildirib: “Oyunumuzdan razıyam. Futbolçularımı təbrik edirəm. Onlara öz təşəkkürümü bildirirəm. İndiyə qədər hakimlərə heç bir iradım olmayıb. Amma deməliyəm ki, "Qarabağ" kimi komandaya köməklik göstərmək düzgün deyil. Hakimlərə demək istəyirəm ki, gələcəkdə bir az diqqətli olsunlar."Qarabağ"a isə Avropa Liqasında uğurlar arzulayıram”.