Rauf Əliyev: “İnter”lə oyun bizim üçün çox vacibdir, çünki...”

“Bu, bizim üçün çox vacib oyundur. Çünki qələbə qazansaq, üçüncü pilləyə pilləyə yüksələcəyik”. Futbolxeber.az saytına verdiyi açıqlamada bu sözləri “Xəzər Lənkəran”ın hücumçusu Rauf Əliyev deyib.

Əliyev süni qazonda oynamağın çətinliyini qeyd edib: “2 gündür “Xəzər Lənkəran”ın düşərgəsinə qoşulmuşuq. Biz olmasaq da, komanda bu oyuna çox ciddi hazırlaşıb. Bəzi futbolçuların millinin düşərgəsindən qayıtmasının “Xəzər Lənkəran” üçün problem yaşadacağına inanmıram. Çünki buna artıq öyrəşmişik. Qazonun süni olması bir qədər əlavə çətinliklər yaradır. Düzdür, “Neftçi” və “Qəbələ” ilə oyunlar da çox vacibdir. Amma indiki halda fikrimiz yalnız “İnter”lə oyundadır. Bu matçda 3 xal qazansaq, vəziyyətimiz daha da yaxşılaşar”.