“Bakı” “Qarabağ”la oyuna ciddi itki ilə çıxa bilər

Azərbaycan Premyer Liqasının 12-ci turu çərçivəsində öz meydanında “Qarabağ”ı qəbul edəcək “Bakı” qarşıdakı oyuna ciddi itki ilə çıxa bilər. Futbolxeber.az-ın məlumatına görə, “zolaqlılar”ın əsas qapıçısı Aqil Məmmədovun görüşü kənardan izləmək ehtimalı var.

Belə ki, Aqil 2 gün əvvəl məşqdə xəsarət alıb. Bu gün isə onun zədəsi ağırlaşıb və Məmmədov məşq edə bilməyib. Hələlik onun “Qarabağ”la görüşdə meydana çıxıb-çıxmayacağı bilinmir. 

Qeyd edək ki, son turda qırmızı vərəqə alan Elşad Manafov da "Qarabağ"a qarşı oynaya bilməyəcək.