Millimizin baş məşqçisi: “Sübut etdik ki, biz də futbol oynaya bilirik”

19 yaşadək futbolçulardan ibarət milli komandamızın baş məşqçisi Nikolay Adam Sloveniya üzərində qələbə qazandıqları oyunu şərh edib. Futbolxeber.az-ın məlumatına görə, o, ikinci hissədə komandasını tanıya bilmədiyini vurğulayıb: “Qarşılaşma çox gərgin alındı. İlk 2 turdakı uğursuz nəticələrdən sonra bu gün sübut etdik ki, biz də futbol oynaya bilirik. Amma təəssüf edirəm ki, yalnız bir hissədə yaxşı oynadıq. Fasilədən sonra futbolçularımı tanıya bilmədim. Bunun səbəbini bilmirəm. İstənilən halda qələbəyə sevinirəm. Komandamız əsl xarakter nümayiş etdirdi. Komandamızın əksər üzvlər 1997-ci ilə təvəllüdlüdür. Bu isə o deməkdir ki, hazırki heyətlə növbəti tsikldə də mübarizə apara bilərik”.